بقلم د. يحي عبدالظاهر:
الكلام اللى هتقراه فى البوست ده ليك إنت عشان تفرح بإبداعات مشروع القرن "توسعة قناة السويس" .. إنما "تخاريف" أهل الشر وتشكيكهم مايستاهلوش الرد,
تعالوا نفخر مع بعض بأعظم مشروع هيغير شكل السيادة العالمية فى المستقبل القريب .. روعة المشروع فى توقيته "المثالى" اللى كل الكولجية بيقولوا "مكنش وقته" سيبك من عدد السفن وفلوس "الكارتة" وركز .. المشروع متعملش عشان نزود الرسوم من ٥ مليار ل٦ ولا حتى ل١٥ عام ٢٠٢٣ .. ده ممكن يتحقق لوحده لو حصل حركة رواج عالمى ومكنش فيه بديل غير قناتنا .. القصة شكل تانى خالص .. تعالى نشوف "التوسعة" بس عملت إيه:
الكلام اللى هتقراه فى البوست ده ليك إنت عشان تفرح بإبداعات مشروع القرن "توسعة قناة السويس" .. إنما "تخاريف" أهل الشر وتشكيكهم مايستاهلوش الرد,
تعالوا نفخر مع بعض بأعظم مشروع هيغير شكل السيادة العالمية فى المستقبل القريب .. روعة المشروع فى توقيته "المثالى" اللى كل الكولجية بيقولوا "مكنش وقته" سيبك من عدد السفن وفلوس "الكارتة" وركز .. المشروع متعملش عشان نزود الرسوم من ٥ مليار ل٦ ولا حتى ل١٥ عام ٢٠٢٣ .. ده ممكن يتحقق لوحده لو حصل حركة رواج عالمى ومكنش فيه بديل غير قناتنا .. القصة شكل تانى خالص .. تعالى نشوف "التوسعة" بس عملت إيه:
١- تم إلغاء خط أشدود - إيلات اللى إتحط حجر أساسه فى ٢٠١٤ .. وطبعاً لو نافسونا كان ساعتها هيعدى عندنا سفن السعودية والإمارات بس لو سابوهم فى حالهم.
٢- هيئة موانى سنغافورة بتعمل رصيف مخصوص للحاويات فى مينا شرق بور سعيد بعد ما إتأكدت إنه هيكون المينا الملاحى الأول فى العالم.
٣- هيئة موانى دبى بتنفذ رصيف بحرى للصب السائل فى مينا السخنة بهدف إن مصر تصبح أكبر مركز عالمى لتداول المواد البترولية وقررت مضاعفة إستثمارها بعد ما كانت على وشك تسيب مصر.
٤- تم التخصيص وهنطرح تنفيذ أكبر منطقة بحرية متكاملة فى العالم فيها أكبر ترسانة عالمية بمثلث الأدبية.
٥- يتم تنفيذ وتطوير ٣ موانى أخرى بالعريش والطور والسويس للإستفادة من إمكانيات القناة بالشكل الحالى .. تقدر تقول موانى مصر على القناة هتنافس وتكمل بعض.
٦- حتى موانى البحر الأحمر فى سفاجا والغردقة تستغل الآن سرعة القناة ويتم تنفيذ مجمعات صناعية ولوجيستية عملاقة خصوصاً مع وجودها داخل كنز المثلث الذهبى.
٧- الفايدة الأعظم بقى تيجى لأمل مصر "المحور" بمناطقه الصناعية متعددة الجنسيات وبأرقامه اللى محدش يتخيلها .. عامل الجذب الأول للمحور هو القناة بشكلها الحالى.
دى الفوايد الإقتصادية المباشرة من توسعة القناة .. مجبناش سيرة فوايد كتير غير مباشرة سياسية وإجتماعية وأمنية, كل ده مكنش ممكن يتم فى قناة السفينة فيها بتستنى أختها ١٢ ساعة عشان تعدى .. ب ٢٠ مليار جنيه بس تمت التوسعة اللى هتجيب تريليونات .. وباقى ال ٦٤ مليار بنعمل بيه أنفاق ومشروعات تكمل أهداف "مصر العظمى".
