لم قال الاخوان مؤامرة صهيواميريكية ورطو نفسهم فى بلاوى

الاسكندرية 14.12.2012

فرض نظرية المؤامرة من الاخوان يعزز عدة حقائق

 -1- فى حال صحتها :

* دفاع ضمنى عن مبارك.

* دفاع ضمنى عن بشار الاسد.

* إدانة للجيش السورى الحر الذى يدعمة الاخوان فى سوريا.

* إدانة للإخوان فيما نتج عن الموافقة من الرئيس الاخوانى بنشر الجساسات 

  صهيواميريكية على طولحدود سيناء وداخلها.

* إدانة للإخوان بعد تصريح مجلس الشيوخ الاميريكى بتمويل الإخوان قبيل 

   الثورة بـ 50 مليون دولار "300 مليون جنية مصرى"

-2- فى حال عدم صحتها :

* إدراج الاخوان فى نفس التصنيف الخاص ببشار الاسد.

* إدراج للإخوان فى نفس التصنيف الخاص بـ بن على.

* إدراج للإخوان فى نفس التصنيف الخاص بـ مبارك.

* إدراج الاخوان فى نفس التصنيف الخاص بقتلة الثوار وقمع المتظاهرين و الظالمين المتجبرين.

بالطريقة الاخوانية:

المبادئ ماببتجزأش و الحق واحد يعنى يا إما بشار الاسد صح و عندة مؤامرة فعلا مدبراها امريكا زى اللى بتحصل فى مصر يا إما بشار الاسد قاتل و احنا بنعمل زية بالظبط فى الحالتين (إما بندافع ضد المؤامرة او إما احنا قتلة) بس قياداتنا خالفت بشار وشجبت بشار واعترضت على بشار و ما اعترفتش ببشار ولا اللى بيعملة بشار, طيب ما كدا بشار ماعندوش مؤامرة !!!! وهو اللى انسان سفاح وقاتل يقتل فى سبيل السلطة, لكن عندنا بيقولولنا انزلو أيدو الرئيس وبيحصل نفس اللى عند بشار الاسد بيتقتل ويتسحل ثوار مسالمين بيواجهو السلاح والسيوف بايديهم فاضية "ازاى العالم دى بتقابل السيف بايد فاضية"!!! طيب كدا لو بشار ماعندوش مؤامرة يبقى احنا كمان ما عندناش مؤامرة واللى بيحكم دلوقت هو هو بشار بس فى شكل تانى !!! وبعدين لم يكون فيه مؤامرة إزاى قياداتنا تقبل الـ 50 مليون دولار " 300 مليون جنية " من اميريكا !!! وازاى يروح العريان امريكا !!!! وازاى هيلارى كلينتون تقابل مرسى اكتر من مرة خلال 4 شهور !!!! وازاى قيادات الاخوان تصرح بضمان الامن والامان لإسرائيل !!!! وازاى يسمح رئيسنا الاخوانى بنشر الجساسات الاسرائلية الاميريكة فى سينا !!!! وازاى نكتف نفسنا بالقرض بتاعهم وشروطة اللى بتحرق قلوب وبطون المصريين !!!! وازاى منظمة حقوق الانسان اللى عندهم فى لاهاى تساند الاخوان بالكذب فى مذبحة الاتحادية !!!! وازاى الشاطر يكتب مقالات فى الواشنطن بوست ويتعملة تلميع اعلامى هناك !!!!

و ازاى اميريكا ضغطت على مبارك علشان يتنحى وهى اساسا بلد زبالة بتعمل مؤامرة على مصر !!! وازاى الاخوان يتوسطو لتهريب الاشخاص الاجانب بتوع قضية التمويل الاجنبى !!! و ازاى انا ما اقدرش استفسر عن اى حاجة من قيادات الاخوان ومجبر على الامر والطاعة وبس !!! آه صحيح, ما هو يا إما افهم يا إما اقبض الشهرية و اقبض البدلات و الاعانات و البطاطين والسكر والزيت والتموين لايا عم انا اقبض احسن "أهى اى مصلحة والسلام" بس مين اللى بيقتل ويمسك سيف لم بنروح نأيد !!! دا انا ما بمسكش سيف ولا الناس اللى بتروح معايا من النجع ولا بتوع الارياف !!! مين اللى قتل الصحفى !!! مين اللى قتل الـ 11 شهيد بتوع الاتحادية اللى اعترضو على مرسى !!! مين اللى كان بيقول حشد وشهداء بالملايين !!! مين اللى كان بيقول يا إما نختار طريق  البناء يا إما نختار طريق الدم !!! مين اللى قال زى بشار ان فية مؤامرة صهيو اميريكية على مصر !!! مين اللى حط الواقى الذكرى و الولب و البرشام فى خيام المعتصمين !!!! مين اللى بيحول الخطاب الدينى لسياسى بالغلط علشان الناس يحصل عندها برود عقائدى مرة ورا مرة !!!! مين اللى بيقول ان الدفاع عن الاسلام بقى ضد المسلمين و بيهدر دمهم !!! مين اللى ماشى فى كل حتة حوالية شوية ناس لا هم شرطة ولا هم جيش ولا هم مخابرات وبيضربو ويكممو كل اللى يعارضهم ويسألهم على حاجة !!!! و ازاى انا ما اقدرش استفسر عن اى حاجة من قيادات الاخوان ومجبر على الامر والطاعة وبس !!! آه صحيح, ما هو يا إما افهم يا إما اقبض الشهرية و اقبض البدلات و الاعانات والبطاطين والسكر والزيت والتموين لا يا عم انا اقبض احسن "أهى اى مصلحة والسلام" بس مين اللى بيقتل ويمسك سيف لم بنروح 

بصراحة وآخر كلام انا زهقت وخايف ان اى دم يتعلق فى رقابتى ومش عارف اى حاجة فى اى حاجة بس مسير اللى بيخرج يمسك سيف ويقتل او يحاول يقتل باسم الدين يتعرفو وافضل انا مسلم شريف نضيف بس يارب ماتتقطعش الشهرية ولا يتقطع التموين وكدا كدا انا لا بمسك سيف ولا بقتل حد.

بالطريقة الثورية:

حسبنا الله ونعم الوكيل فيكم كلكم وفى امثالهم اللى بيسكتو على الظلم وبيعانون المتجبرين يتجبرو والقتلة يقتلو حتى لو مش بيشيلو معاهم سيف. سيفكم معاكم وربنا معانا لأننا مش بنتاجر بدين الله ولا بنجاهد فى سبيل اميريكا وخطة اميريكا لإضعاف مصر عن طريقكم يا صانعى و مؤججى الفتن.

المقال السابق من وحى خيال الكاتب ولا يمت للواقع باى حاجة خاااااااااااالص

  

حمدى الشامى