 |
| محمد نصر
الشهير بـ "ميزو" .
|
وانت ماشي كده وقف عيل صغير فى ابتدائي, قوله فى واحد هايموت نفسه نقوله ايه؟’ الواد هايرد يقولك حرام .. اللى بيموت نفسه بيموت عاصى لربنا !.. اتربينا عليها, اخدناها فى الدين, كبير وصغر عارف ان الانتحار حرام.
تخيل بقى لما تبقى عامل شيخ وبتقول انك ازهرى, وبتقول انك معاك الاسلام الصحيح وجاى تصحح الدين, وفجأه تقول للناس انك هاتنتحر!
دا ايمان ايه الجميل دا !, دا انت لو فى حد ( وانا اشك طبعا ) كان فكر يحب الاسلام بسبب كلامك مثلا, اكيد هايراجع نفسه بعد ما يلاقى واحد بيقول انه معلم يشرح الدين .. ورايح ينتحر !
عبر حسابه الخاص على موقع الفيسبوك، أعلن الداعية محمد عبدالله نصر، والذي يعرف بـ "الشيخ ميزو"، انه قرر الانتحار، والسبب في ذلك هو طريقة التعامل معه بمطار القاهرة. وقال ميزو عبر حسابه: "أودعكم جميعا، وألقاكم في جنة الخلد عند إله لا يظلم، فقد تعرضت للظلم والإهانة البالغة الآن في مطار القاهرة، وتم إلقاء حقيبتي بما فيها من ملابس في صالة (1) بمطار القاهرة أمام حشد كبير من الناس". وتابع: "وبإذن الله سأتخلص من هذه الحياة البائسة بإلقاء نفسي في نهر النيل.. نهر الحياة لأذهب إلى الله لأشكو له ظلم العباد".
ميزو زيه زى ناس كتير, باع من زمان, قبض عشان يتكلم بإسم الدين, انتوا متخيلين الكارثه فين؟, ان الكلاب اللى زى دول لهم شباب صغير السن متابع ليهم على الفيس ربوك, تخيل كام شاب او مراهق ممكن يفكر فى الانتحار
ويعتبره شىء عادى, بعد ما شاف الشيخ بيقول انه هاينتحر, لان الشاب دا ممكن يكون اللى مانعه من الانتحار اصلا انه حرام
فما بالك ان الشيخ اللى اتعلم الحرام والحلال هاينتحر, يبقى بيحلل حاجه زى دى ومش شايفها غلط, وبالتالى يضعف الايمان
خوااااارج .. أيوه احنا عايشين وسط خوااارج, احنا عايشين وسط شيوخ رحلات طهران والفلوس الايرانيه, وشيوخ امريكا وشيوخ قطر, اللى كل هدفهم محو الدين الصحيح و بث دين جديد يحلل الحرام بكل انواعه.
